[an error occurred while processing this directive]
[an error occurred while processing this directive]
Argëtim
Seksi është ndihmë kundër reumës

Jeta e rregullt seksuale i zbut dhembjet reumatike. Këtë e thotë mjeku gjerman Klaus Shmiti nga Minheni. Sipas fjalëve të tij, seksi ndihmon lëvizshëmrinë e gjymtyrëve dhe i pakëson dhembjet. Me këto vlerësime dr. Shmiti përpiqet ta hedhë poshtë mendimin tradicional të reumatikëve se jeta seksuale i nxit dhembjet e gjymtyrëve, për ç'gjë shumë njerëz të sëmurë, siç shënon mjekësia, e humbin vullnetin për dashuri trupore.

Pagjumësia për dashuri

Kush ka halle të pagjumësisë le të bëjë dashuri! Kjo është porosi e profesorit Ingmar Dureman, ligjërues i psikologjisë në Universitetin e Upsalit, i cili në bazë të hulumtimeve afatgjata shkencore ka vërtetuar se dashuria i pakëson pasojat negative të pagjumësisë. Në hulumtimet e veta dr. Duremani është nisur nga faktet se çiftet e reja dhe në përgjithësi çiftet erotike arrijnë që me ditë dhe net të tëra të rrinë zgjuar, duke përfunduar se dashuria e largon nevojën për të fjetur. «Kur njeriu është i dashuruar», shkruan dr. Duremani në studimin e tij «në trupin e tij aktivizohen hormonet, të cilat, pa kurrfarë pasojash të dëmshme, e shkatërrojnë kotjen. Ato hormone ndikojnë në furnizimin më të mirë të trurit me gjak, kurse ndikojnë në mënyrë stimuluese edhe në gjendjen shpirtërore të të dashuruarve. Është, kuptohet, gjë e natyrshme që dy të dashuruarit sa më shumë kohë t'i kushtojnë njëri-tjetrit».

Seksi + alkooli = frustracioni!

Shumë femra kur shkojnë në krevat me partner të ri e çojnë gotën e verës. Besojnë dhe shpresojnë se alkooli e pakëson nervozën dhe se në mënyrë «stimulative» ndikon në shtimin e efektit në krevat. Hulumtimet, ndërkaq, kanë dëshmuar se alkooli, në sasi të vogla, vërtet ndikon në dëshirën dhe në gatishmërinë seksuale, por edhe se ka madje edhe atëherë të meta seksuale. Ta zëmë, femrat që kanë pirë para seksit, më vonë janë më të frustruara sesa ato që i kanë përjetuar të gjitha të shpita.

Sporti për «krevat të nxehtë»

Ata që merren rregullisht me sport, më lehtë dhe më shpesh e përjetojnë kulminacionin e kënaqësisë sesa ata që nuk merren me sport. Arsyeja: tipat sportivë kanë konstrukt më të mirë trupi dhe janë më të kënaqur me pamjen e vet, gjë që ua bën të mundur një kënaqësi më të vetëdijshme dhe më spontane.

Flerti ju bën më të bukur

Shumë femra besojnë se vetëm nëse janë të bukura dhe simpatike mund të marrin guxim që me anë të flertit të tërheqin vëmendjen e meshkujve. Marrëzi! Flerti përherë është i dobishëm, përfundon Monika Mur, psikologe e Universitetit të Vepsterit në Sen-Luis. Edhe atëherë kur femra jo aq simpatike flerton, ka gjasa të mira të tërheqë vëmendjen e huaj. Meshkujt nuk bëjnë flert, por vetëm atëherë kur pranë tyre ulet ndonjë femër tejet e bukur.

Kurorëzimi është rraskapitje e vërtetë

Martesa shkakton shqetësim, është ky përfundim i psikologëve dhe i mjekëve gjermanë. Hulumtimi i tërësishëm ka dëshmuar se madje edhe ngjarjet pozitive mund të ndikojnë negativisht në gjendjen trupore dhe shpirtërore, do të thotë në shëndetin dhe në jetën bashkëshortore. Pra, shqetësimi është njëfarë «përgjigjeje» e organizmit tonë ndaj kërkesave të ndryshme.

Shkurorëzimi me anë të kompjuterit

Në disa gjyqe të shtetit amerikan Arizona çiftet që dëshirojnë të shkurorëzohen nuk shpenzojnë para për avokat, tashti kanë në dispozicion të ahtuquajturin kiosk kompjuterik, ku vetëm mund t'i plotësojnë formularët dhe të «rregullojnë» dokumentat për shkurorëzim.

Seksi më i shëndoshë se vrapimi

A është më mirë të bëhen 60 minuta seks apo të vrapohet ngadalë në parkun pranë shtëpisë? Pyetja ndoshta duket «sharlatane». Porse, tashti këtu janë dëshmitë se dashuria për organizëm është më e shëndoshë sesa xhogingu, thotë grupi i mjekëve polakë. Ata një vit i kanë analizuar marrëdhëniet e mashkullit dhe të femrës, që e praktikojnë xhogingun dhe ata që rregullisht kënaqen në seks. Do të thotë, në 87 për qind të rasteve seksi është dëshmuar më i mirë sesa vrapimi në pyll - të paktën kur është fjala për tensionin e gjakut dhe për harmoninë psikike.


[an error occurred while processing this directive]
[an error occurred while processing this directive]