[an error occurred while processing this directive]
[an error occurred while processing this directive]
Argëtim
Bontoni erotik

Bën, nuk bën... Kur është fjala për seksualitetin, vetvetiu na preokupojnë një sërë çështjesh, për të cilat të shumtën e herës na vjen turp të kërkojmë përgjigje. Do t’ju japë ndihmë bontoni ynë i vogël i sjelljes erotike

1. Bën ta marr unë punën në dorë?

Edhe pse sot shumë meshkuj mendojnë se vetëm ata janë mjeshtër dhe udhëheqës të lojës erotike, pse nuk do t’ia bënit me dije se juve mu tashti ua do qejfi atë punë. Ç’është e vërteta, po të jetë konservativ do ta marrë këtë si dhunim, prandaj mund të ndodhë të ikë nga ju /menjëherë apo pasi të ketë fjetur natën me ju/, ose ta pranojë qejfin seksual, por ta humbë zotësinë seksuale.
E po e pranuat variantin e maces dhe të miut? Pushtojeni me lëvizje të virgjëra, duke e nxituar që në mënyrë të padiktueshme ta marrë ai iniciativën.
Kur është fjala për çiftat e mësuar iniciativa e femrës në të shumtën e rasteve është e mirëseardhur. Sjell një komponente të re në lojën erotike, në të cilën ndjejnë kënaqësi njësoj edhe mashkulli edhe femra.

2. Si t’ia bëj nëse kërkon të dijë sa meshkuj i kam pasur?

Varet nga situata. Nëse ua bën këtë pyetje pse ka frikë nga sida, duhet t’i tregoni sinqerisht. Nëse pyetja është nxituar nga kureshtja e tepruar dhe nga xhelozia e fshehtë, duhet të keni kujdes. Është gjë e rrezikshme të flisni për të kaluarën, sepse meshkujt e marrin me zemërngushtësi përvojën seksuale të partnerëve të veta, sidomos atëherë kur vetë janë Don Zhuana. Ç’përgjigje do t’i jepni - se keni kaluar me dy, tre, apo dhjetë meshkuj - është çështje juaja, por ta keni fare të qartë se një sinqeritet i tillë mund t’jua nxijë jetën. Nëse për ju sinqeriteti është gjëja më e rëndësishme, mos ia rrëfeni megjithatë të gjitha përnjëherë.

3. Dëshiron të bëjmë dashuri, a duhet t’i tregoj se i kam menstruacionet?

Posi. Menstruacioni është dukuri normale, as nuk është gjendje e ndyrë /si mendohej dikur/, as gjendje e sëmurë, por nuk mund ta dini se çka mendon për këtë gjë partneri juaj, se çfarë shpjegimesh ka marrë në fëmijëri për këtë dukuri dhe a i pranon mendimet për seksin në atë kohë. Do t’ju vijë turp nëse do të kuptoni se ai ka neveritje nga gjaku. Kurse në anën tjetër shumë femra nuk përjetojnë kënaqësi gjatë marrëdhënieve seksuale në kohën e menstruacioneve. Nëse ka pasur këtë mendim edhe e dashura e dikurshme e partnerit tuaj, ai sigurisht nuk do të mendojë për seks gjatë kësaj kohe. I tregoni kur janë ato ditë me fjalë fare të thjeshta: „I kam menstruacionet“, ose „Po më dhemb stomaku. E di se ne femrat çdo muaj kemi probleme“. Mund ta pyesni menjëherë se a i pengon atij kjo gjë që të bëjë dashuri ose prisni t’ju thotë ai vetë me vepra se çka mendon.

4. Ka dëshirë që të masturboj ndër sy të tij, kurse unë kam turp...

Vetëkënaqësia në jetën bashkëshortore nuk është dukuri aq e zakonshme: ka shumë që mendojnë se „disa vende të caktuara“ bën t’i prekë vetëm partneri. Deri tash vonë femrat në përgjithësi kishin turp të vetëkënaqeshin, por masturbimi është pranuar si një formë normale e seksualitetit. Pra, të pranosh apo të mos pranosh ta bësh atë gjë kur kërkon ai? Marrë në përgjithësi, nuk duhet të bësh kurrfarë veprimi që të bën të turpërohesh në krevat. Por kjo nuk do të thotë se duhet të jeni shpirtngushtë dhe të refuzoni çfarëdo eksperimenti. Ashtu siç thotë shumica e seksologëve, nëse do të përqëndroheni vetëm në fushën që e njihni, nuk do të zhvilloheni kurrë.

5. Kam përjetuar me të një lezet të madh përmes seksit oral. Tashti pret t’ia kthej...

Është e qartë se ndërmjet dy vetëve duhet të ekzistojë reciprociteti, kurse brenda një afati të gjatë kjo të dyvet duhet t’iu sjellë kënaqësi. Marrëdhëniet ndërmjet gjinive janë zhvillur në atë mënyrë sa kur njëri nga partnerët e përjeton orgazmën, përpiqet që atë ta përjetojë edhe tjetri. Nëse ai e lejon ekstazën tuaj, e ndieni veten se disi duhet t’ia ktheni, menjëherë në të njëjtën mënyrë. Megjithatë, kënaqësia nuk përjetohet në mënyrë mekanike. Më së keqi është kur diçka bëni pa vullnet. Lejoni që afëria ndërmjet jush të zhvillohet në mënyrë të natyrshme, kështu që pa dyshim edhe ju do të dëshironi t’ia ktheni partnerit në të njëjtën mënyrë. E nëse nuk do të mund ta bëni këtë gjë, do të gjeni mundësi që t’ia përmbushni kënaqësinë në një mënyrë tjetër.

6. A duhet të them jo kur nuk jam e disponuar për seks?

Të thuash jo nuk është vetëm e drejtë jotja por edhe obligim, edhe ndaj tij, edhe ndaj vetes sate. Nëse bëni dashuri pa vullnet dhe disponim të vërtetë, domosdo do të ndieni pakënaqësi. Disa meshkuj, sidomos ata që janë labilë dhe të pasigurt, nuk mund ta kuptojnë se femra nganjëherë është e padisponuar për seks dhe menjëherë mendojnë se nuk janë simpatikë sa duhet apo dashnorë të mirë. Ia shpjegoni me durim se këto nuk kanë të bëjnë njëra me tjetrën.

7. Kam dëshirë t’i provoj pozitat e reja nga filmat dhe nga librat. Si ta nxis të bëjmë eksperimente?

Është gjë fare e pakuptueshme të hysh në dhomë të fjetjes e veshur në lëkurë të zezë: nëse nuk e ka edhe ai të njëjtën shije, seksi do të jetë gjëja e fundit për të cilën do të mendojë. Gjëja më e mirë është njëherë ta hulumtosh terrenin. Bisedoni për ndonjë skenë erotike nga filmi dhe bëjeni të kuptojë se edhe juve ju intereson ajo skenë. Vështrojeni me kujdes reagimin e tij. Mund t’i thoni shtruar: „Në imagjinatën time erotike më së shumti kam dëshirë...“. Toni i zërit të mos jetë agresiv apo i padurueshëm, në mënyrë që të mos mendojë ai se me çdo kusht duhet të bëni ashtu si ëndërroni ju. Mos e nxitoni ta „provojë“ porosinë.

8. A mund t’i prishë marrëdhëniet aktrimi i orgazmës?

Seksologët rekomandojnë se nuk është mirë të simulosh kënaqësinë që nuk mund ta përjetosh. Sjellja e këtillë e shkatërron komunikimin e partnerëve. A s’keni frikë se partneri do ta bëjë dallimin ndërmjet kënaqësisë së rreme dhe kënaqësisë së vërtetë? Në anën tjetër, seksologët thonë se nuk është keq nganjëherë të shtiresh se ke përjetuar kënaqësinë, në mënyrë që të mos krijohej ndasi ndërmjet partnerëve, që përndryshe është stabile dhe e mirë. Megjithatë gjëja më e mirë është që partneri juaj ta kuptojë se orgazma nuk është përherë e vetmja shenjë e kënaqësisë.

9. A duhet të bisedoj me të për higjienën intime dhe për shëndetin? Ta zëmë, t’i them se e kam infeksionin kandid?

Sinqeriteti me këtë rast është çështje e edukimit të mirë. Ashtu siç duhet të mendoni ju për pastërtinë, duhet të mendojë edhe ai. Për këtë gjë duhet të bisedoni vetëm atëherë kur t’ju duket se ai nuk do t’i përdorë ujët dhe sapunin, madje në mënyrë fare spontane: „Sa më pëlqen kur ke aromë të mirë: të bëjmë dush bashkë?“
Rasti rreth infektimit me kandid është pak më i komplikuar, edhe pse nuk fitohet përherë përmes marrëdhënies seksuale: përpos teje, duhet të shërohet edhe ai /edhe pse nuk ka simptome/, prandaj jeni e detyruar t’ia thoni. Gjëja më e keqe është nëse nuk tregoni drejt, kurse seksit i bëni lak me arsyetime të rreme.

10. Miku im është tmerruar kur i kam rrëfyer për dashnorin e fundit si për një „gjah“ të mirë. Po edhe meshkujt flasin kështu për ne!

Nganjëherë, si në shaka, edhe femrat thonë se po dalin për „gjah“ e kështu ngjashëm. Këtu nuk ka asgjë të keqe përpos atëherë kur kjo kalon në tepëri dhe nis e bëhet bisedë serioze. Kurrkush për kurrkënd nuk bën të jetë trofe, gjah, triumf me të cilin zë të lavdërohet para të tjerëve. Kështu mund të thuhet vetëm atëherë kur kundruall tjetrit nuk ndiejmë asgjë dhe vetëm ia bëjmë qejfin egoizmit tonë. Një garë e llojit të këtillë është tejet e rrezikshme: „triumfi“ shkakton ndjenjën e boshllëkut, sepse e kemi pushtuar trofeun, e jo personin. Kurse meshkujt që kanë qëndrim të këtillë ndaj femrave, nuk meritojnë as të zihen ngojë.

 
[an error occurred while processing this directive]
[an error occurred while processing this directive]