[an error occurred while processing this directive]
[an error occurred while processing this directive]
Argëtim
Si kam ardhur në jetë?

Fëmijëve duhet thënë thelbin e problemeve, duke mos i ngarkuar me detaje të parëndësishme.

Kur fëmijët tuaj ju pyesin se si kanë ardhë në këtë jetë si dhe kur të shtrojnë pyetje të tjera të ngjashme mbi përtritjen e njerëzve jeni të obliguar të përgjigjeni drejtë dhe pa ngurim. Se si do të gjindeni në këso situatash do të jenë në njëfarë mënyre masë e suksesit tuaj si prindë. Zgjedhni faktet themelore dhe ua thuani qartë. Fëmijëve duhet thënë thelbin e problemeve, duke mos i ngarkuar me detaje të parëndësishme.
Nëse përgjigjet tuaja nuk mjaftojnë për fëmijën, që t’i kuptojë gjërat në esencë, ai do të shtrojë pyetje të tjera. Dhe kur pyet duhet të përgjigjeni.
Fëmija kurreshtar do të pyesi për mbarësimin, shtatzëninë, e lindjen, zakonisht sipas kësaj renditje.Shumica e këtyre pyetjeve janë të nxitura nga vështrimet e fëmijës nga jeta e përditshme, nga rrethi në të cilin jeton. Por do të pyes edhe për aso gjërash që duken se vien si rrufeja për së kthjellti, siç thuhet.
Përgjigjet në pyetjet e fëmijës duhet të jenë fare miqësore, dhe kurrsesi përgjigje që lënë dyshime, as të paqarta e aq më pak sipërfaqësore dhe humoristike. Duhet të jenë, pra, serioz, por jo edhe sentimental. Nuk guxoni kurrsesi ta përfundoni bisedën me shprehjet „prandej për këtë arsye ne të duam“ dhe as me atë „për këtë arsye ti duhet të duash nënë dhe babën“.
Pyetje të këtilla për lindjen e mbarësimin i bëjnë zakonisht fëmijët e moshës gjashtë vjeçare, por mund të ndodhë që të pyesin edhe ata më të rinj. Pjesa më e madhe e fëmijëve për përtrirjen e races njerëzore mësojnë para se të shkojnë në shkollën fillore.

Nga vijnë foshnjet
Ku e ka gjetur tezja Arjetë foshnjen e re?
I ka dalë nga një vend i posaçëm që e kanë nënat për këtë qëllim.
Më së miri është që në pyetjen e parë të përgjigjeni sa më direkt dhe qartë. Interesimi i fëmijës parashkollor ende është i thjeshtë. Është fare e mundshme që fëmija interesimin për foshnjen e tezes Arjetë ta kthejë nga vetja dhe të pyesi:
- A edhe unë kam dalë, nga ti, në këtë mënyrë?
Përgjigjja më e mirë dhe e preferuar do të ishte: Sigurisht edhe ti ke dalë në këtë mënyrë.
Gjatë bisedës së këtillë duhet ruajtur që te fëmija mos të shkaktohet huti duke përdorur fjalë e shprehje të imagjinuara apo edhe shkencore. Para fëmijës së vogël që bën këso pyetjesh nuk duhet përdorur fjalët „djepi“ ose „strofulli“, „vagina“ ose „uterus“ e as shprehjet siç janë, ta zëmë, „nën zemrën e nënës“, edhe pse kjo shprehje e vjetër, përkundër pasaktësisë që tregon mbi pozitën e foshnjes, mban në vedi ngrohtësi dhe mirëseardhje për ferishten. Ndërkaq, fëmijës së moshës më të madhe duhet treguar emrat e vërtetë të organeve të femrës. Kështu, duhet thënë se vendi ku rrin foshnja në bark të nënës quhet uterus, kurse vrima nga del ai në jetë quhet vagina.
Kurreshtja e fëmijës për të mësuar sa më shumë për lindjet e njerëzve është e madhe. Ai mund të bëjë edhe këso pyetjesh:
- Ku kam qenë unë kur ti ishe vajzë e vogël? (ose Ku ka qenë nëna kur unë isha e vogël?).
Përgjigja më e përshtatshme dhe më adekuate do të ishte kjo:
- Fillimi yt ka qenë i fshehur ke nëna dhe ka pritë që të rritet, ta gjejë babën dhe bashkarisht të krijojmë çerdhën në të cilën do të vish ti.
Duhet ikur përgjigjeve të pamenduara siç janë, bie fjala, „kur nëna ishte e vogël, ti nuk ke ekzistuar fare“. Sepse fëmija e kanë mjaft të zhvilluar ndjenjën e kontinuitetit të jetës. Prandej, fëmijës tuaj nuk duhet mohuar ekzistimin e tij para se të vie në këtë jetë. Prandej, përgjigja e dhënë më lart është më pak e ashpër, por me gjithate e vërtetë.
- A rritet tani foshnja në ty, nënë? - mund të jetë pyetja tjetër.
- Jo, jo bash tani, por do të tregojë se ku rritet ajo tani. Ke tezja Mirjetë. E shef se si është trashur kohët e fundit. E kjo ngjet pse foshnja e saj zenë shumë vend. Ashtu siç rritet foshnja e saj tezja Mirjetë zgjerohet.
Nuk mund të parashihet se çfarë pyetjesh mund të bëjnë fëmijët për foshnjet. Çfarëdo përgjigje të jipni ato fillojnë me shprehjen: foshnja rritet në nënën e vet.
Edukimi gjinor i fëmijës së moshës më të re, por edhe atij më të rritur, që është organizuar mirë është siguria më e mirë se fëmija do të ketë jetë të qetë dhe të lumtur të plotësuar me lojë dhe përgatitja më e mirë që të adaptohen me problemet që u dalin në zhvillimin e mëtejmë në jetë, në ardhmërinë e tyre. Së këndejmi, shtrohet detyrë dhe obligim i prindërve që të kenë kujdes, dhe njëkohësisht të angazhohen për edukimin e gjithanshëm të fëmijës së tyre, duke e njohur qysh herët me rrugën e ardhjes së tij në këtë jetë.

[an error occurred while processing this directive]
[an error occurred while processing this directive]