[an error occurred while processing this directive]
[an error occurred while processing this directive]
Argëtim
Kur shkon huç mashkullorësia
Mos ia ktheni shpinën

Veprimet e zjarrta, përkëdhelitë, pastaj - fiaskoja. Mashkulli këtë gjë e çmon si gjë katastrofike dhe nuk e duron ngushëllimin.Mos u shtirni si motra mëshirëmadhe dhe si psikologu.Tregoni se keni mirëkuptim ndaj tij dhe e doni të tillë çfarë është.

Jeni njohtuar në një takim zyrtar dhe pastaj pesë net radhasi keni dalë bashkë. Darkat, kinemaja, teatri, diskoteka, shëtitë buzë lumit... Mbrëmjen e gjashtë kanë vajtur në krevat. Në fillim nisin puthje të zjarrta, pastaj përkëdhelitë, fërkimet e trupit dhe - fiaskoja.
E ka tradhtuar mashkullorësia! U hodh nga krevati dhe duke i veshur pantallonet me nxitim pëshpërit sesi ajo nuk di të bëjë dashuri.Kurse ajo ishte e hutuar, e hidhëruar, e ndiente veten si të braktisur,të turpëruar. U ballafaqua me dilemën tipike, të pashmangshme në situatën kur penisi nuk është "i gatshëm": çka të bëjë me të? Për meshkujt, kjo do të thotë tradhëti e anatomisë personale, të dhembshme dhe nënçmuese, e të shumtën e herës është pasojë e nervozës momentale, e problemit të gjatë psikologjik apo e lodhjes dhe e pijes së tepërt. Puna mund të ndreqet lehtë, por meshkujt këtë gjë e përjetojnë si gjë katastrofike, disa ia hedhin fajin femrës. Si të veprohet kur "penisi i butë" bëhet hall i dashurisë?
Mendimi i parë është se jeni antipatike për të. Ta mbani mend: po të mos ju donte, nuk do të gjendej në krevatin tuaj. Mos ta merrni si detyrim se duhet t'i ndihmoni me çdo kusht, do t'ju shpallë si agresive. E madje edhe kur don t'ju bëjë fajtor - gjë që është më lehtë sesa të pranojë problemin e vet - mos i besoni!

Të keni mirëkuptim

Asnjë femër nuk mund ta marrë me mend se çfarë nënçmimi është për të kur e tradhëton penisi në çastet e afshit më të madh. Kjo është njësoj sikur të gufonin gjinjtë e saj para syve të tij. Femrat janë shumë të prekshme pas seksit, kurse meshkujt - para tij.

Kur çifti nuk komunikon ndërmjet vete, penisi i tij flet për të dytë. "Penisi është si radari", thotë seksologu amerikan Uoren Fareli. "Ai i regjistron ndjenjat e vërteta të mashkullit.Kur është i butë ai në të vërtetë thotë:«në këtë situatë diçka më mungon». Nëse i dështon mashkullorësia, mos ia ktheni shpinën, mos e shfaqni hidhërimin, zhgënjimin, befasinë, sepse vetëm do ta shtoni nervozën e tij. Nëse thotë "nuk jam i disponuar për seks", apo "më duket sikur kam presion", kurse ju e qortoni - kurrë më nuk do të jetë i sinqertë ndaj jush. Po të hedhni zjarr në të, do të bëhet rrenacak në dashurinë mes jush.
Nëse do ta ankoni sikur të jetë fëmijë i vogël /"djaloshi i gjorë"/
- do ta hajë veten nga halli, thotë Sten Kaci, psikologu klinik nga Kalifornia. "Pyeteni thjesht se çka mund t'i ndihmoni, apo mos dëshiron të bisedoni. Nëse nuk pranon, mos ngulni këmbë. Ndoshta ka nevojë vetëm që ta bindë veten se e dashuroni të tillë çfarë është, e jo ereksionet e tij. Për ngushëllime nuk ka nevojë, nuk është ai veteran i plagosur, e as ju nuk jeni motër medicinale.

Mos e analizoni

Bëjuni dashnore e tij, e jo psikanalitike e tij. Mashkulli që nuk mund ta arrijë ereksionin kur ka dëshirë, mjaft është "i braktisur" dhe i dobësuar.Nëse nuk do t'ju pyesë "shpirt, si ta mbisundoj këtë impotencë?", gjë që rrallë ndonjë mashkull do ta shqiptojë, do të thotë se nuk e ka në qejf kritikën, vlerësimin, predikimin e as analizën, thonë ekspertët. Mos e merrni rolin e psikologut - nganjëherë as eksperti nuk i ka të qarta shkaqet e impotencës së papritur te dashnorët e mirë dhe të zjarrtë. Ndoshta mashkulli kalon nëpër fazën e zvogëlimit të interesimit për seks.

E keni përkëdhelur, e keni puthur,e keni piskuar, jeni përpjekur edhe me anë të seksit oral dhe prapë nuk ka pasur ereksion. Lëreni të qetë. Stimulimi këmbëngulës i penisit të tij ndoshta do të ndikojë të forcohet momentalisht, por nuk do t'ia ndezë epshet dhe çështja do të shfaqet sërish. Më mirë është të nisesh drejt cakut në anën tjetër. Si Maria, burri i së cilës është dashnor i mirë, por edhe atij i ndodh nganjëherë të dështojë. "E puth në vende të tjera, them se e adhuroj trupin e tij dhe menjëherë i çohet. E ndiej veten si magjistare", thotë Maria. Hulumtimet kanë dëshmuar se gati gjysma e pacientëve të një klinike ka kërkuar ndihmën e ekspertit vetëm një vit pasi të jetë shfaqur impotenca. Disa meshkuj presin edhe nga dhjetë vjet /"që problemi të zgjidhet vetvetiu"/ para se t'i paraqiten ekspertit. E kjo gjë mund ta prishë lidhjen e sapokrijuar, e cila në të gjitha aspektet e tjera ka gjasa të ketë sukses.

Dërgojeni në vizitë

Xheni K.flet për përvojën e vet me Dikun: natën e parë i shkoi huç dhe gati çdo natë e ka përsëritur në krevat. As ai as ajo nuk e hapin problemin e impotencës dhe lidhja - prishet. Nëse ai nuk ka sukses ta arrijë ereksionin disa ditë me radhë, është e domosdoshme ndihma profesionale. Por, mos e dërgoni mashkullin tuaj te mjeku sikur të shkojë te mjeshtri për remont. Merreni këtë gjë si problem të përbashkët, propozoni që bashkarisht të bisedoni me seksologun, i cili di më mirë se ju ta shohë problemin dhe ta zgjidhë. Ndoshta partneri juaj dëshiron të kujdeset për mbarë çështjen. Në raste të këtilla ia bëni përherë me dije se për të përherë jeni aty nëse do të ketë nevojë t'i ndihmoni. Përherë është i pranishëm faktori i lidhjes suaj si pjesë përbërëse e problemit të ereksionit.

Gjëja të cilën nuk mund ta bëjë asnjë mjek - mund ta bëni vetë dhe vetëm ju: të jeni me të në çastet kur e ndien veten të lënduar, të sëmurë, t'ia ktheni vetëbesimin, ta bindni se ai zatën është i tillë çfarë është - mashkulli më seksipil në botë.

[an error occurred while processing this directive]
[an error occurred while processing this directive]