[an error occurred while processing this directive]
[an error occurred while processing this directive]
Argëtim
Në modë janë femrat zeshkane

Ka kaluar koha e tipit të bukurosheve a la Merlin. Edhe në pistat e modës, edhe në ekranin e madh po dominojnë zeshkanet!

Dikur meshkujt çmendeshin pas biondinave. Sot situata ka ndryshuar në favor të atyre me ngjyrë më të errët të lëkurës. Prandaj, nuk është çudi që edhe në kanalet e ndryshme satelitore, në sfilatat e modës, si dhe në ekranin e madh, po dominojnë zeshkanet. Sipas psikologëve, ato ngërthejnë në vete një vel misterioziteti, janë morbide, apasionante dhe të zjarrta në seks. Me të gjitha këto veti të lartpërmenduara ato gradualisht po e zevëndësojnë mitin e biondinave që për një kohë të gjatë kanë qenë simbol i seksit, epshit dhe bukurisë.
Bukuroshet e zeza e kanë gllabëruar edhe Perandorinë e Holivudit me sharmin dhe joshjen fatale. Edhe femrat më të bukura në botë i takojnë grupit të zeshkaneve. E tillë është, p.sh., femra më e bukur në Itali, Maria Grazia Kuçinota, sensuale e misterioze. Po ashtu edhe zgjedhja e përendeshave të bukurisë kanë fituar binshëm, psh., bukuroshja e Italisë vitin e kaluar ishte latinoamerikane, ndërsa Miss Univerzum u zgjedh bukuroshja nga Brazili. Edhe bukuroshja e Kosovës, “Miss Kosovarja ‘97”, u zgjodh një zeshkane shumë tërheqëse, Adelina Ismajli...
Edhe në botën e modës nuk po favorizohen më biondet. Pistat e modës an e kënd botës po i vërshojnë zeshkanet që kanë hipur bindshëm në pushtetin e shou - biznesit. Këtu prin bindshëm “Pantera e zezë”, e pakonkurrentja Naomi Kempbel, e cila sa të fascinon me bukurinë e saj misterioze, aq edhe me sharmin dhe ngjyrën e lëkurës, vërtet të veçantë. Edhe bukuroshet e tjera s’mbeten shumë prapa, si janë Sindi Kraford, Linda Evangelista etj. Prandaj, s’është çudi që agjencitë e njohura të modës, sidomos ato Versaçe dhe Dolç & Gabana janë vënë pas gjurmimit të femrave me ngjyrë të zeshkët të lëkurës, sepse, sipas stilistëve, ato femra të ngjallin inspirim. Po ashtu edhe stilistët japonezë, të cilët kërkojnë modele nga Evropa, preferojnë që ato të mos jenë “shumë bionde”.
A do të thotë tërë kjo që ka filluar një fushatë kundër femrave bionde apo, thënë troç, po zhvillohet një luftë e vërtetë në masmediume mes biondeve e zeshkaneve? Një luftë e tillë tashmë ka filluar në Angli, ku, sipas tabloidit “Daily Mail”, në anketën e bërë thuhet se “biondet janë përjashtuar nga kopertinat e faqeve të modës dhe janë fshirë nga imagjinata e stilistëve”. E për ta justifikuar këtë, tabloidi shkon aq larg sa që fut në përdorim edhe konceptin e “sigurisë”, duke theksuar se “biondet janë “fjalamane si papagallët dhe maniake seksuale”, e sipas statistikave janë “gratë të cilat më së shumti ankohen”. E tërë kjo tingëllon si një moment historik për gjeneratën e zeshkaneve, të zezave, të dashura e të dëshiruara nga meshkujt më tepër sesa biondinat, të cilat i kanë injoruar ata tash sa kohë.

Biondet, zeshkanet dhe meshkujt

Disa i duan biondet seksi me gjinj të mëdhenj, të tjerët zeshkanet, sepse ngjyra e errët e lëkurës rrezaton “ngrohtësi”, energji pozitive, agresivitet e meshkujt çmenden pas këtyre “tigreshave sensuale”. Por, pavarësisht se moda ndërron, ndërrohen trendet dhe fëtyrat e bukura në ekranet e mëdha dhe të vogla, çështja e shijes është e padiskutueshme. Bile, shumica e meshkujve konsiderojnë se pamja e jashtme e femrës është një joshje jetëshkrutër dhe bukuria nuk është gjithçka për të analizuar personalitetin e një femre. Bile, disa deklaruan se nuk është me rëndësi a është bionde apo zeshkane femra që i tërheq. Posa të hyjnë në biseda me to, mund të krijojnë një përshtypje të plotë për to. Dhe posa zbulon shpirtin e dikujt, të tjerat sikur vihen në prapaskenë. Dhe aty pikërisht nis loja e emocioneve.
Pra, faktorët që ndikojnë për një shije të caktuar janë brenda nesh. Ndër femrat shqiptare ka bionde e zeshkane të bukura, prandaj, pavarësisht prej modës, meshkujt tanë mund të zgjedhin sipas shijes së tyre dhe vërtet nuk kanë të drejtë të ankohen në bukurinë dhe sharmin e tyre. Ndërsa për femrat të cilat i përcjellin trendet e modës dhe vazhdimisht janë “In” si për nga garderoba ekstramoderne, ashtu edhe mënyra e mbajtjes së flokëve dhe e grimit, atëherë ca “intervenime” të vogla duhet t’i bëjnë patjetër. Prandaj, vajza, çka pritni - menjëherë shkoni në ndonjë kozmetikë, bleni ngjyrë të zezë apo të zezë në teget të flokëve, sepse do të dukeni më të zeshkëta në fytyrë! E nëse i keni sytë me ngjyrë të kaltër a të gjelbërt, atëherë pikërisht do t’u ngjani sirenave të detit apo “bukurisë mesdhetare”, siç po i quajnë stilistët e modës, zeshkanet që tashmë në botën bashkëkohore janë bërë mit.

[an error occurred while processing this directive]
[an error occurred while processing this directive]