[an error occurred while processing this directive]
[an error occurred while processing this directive]
Argëtim
Nuk jam e kënaqur me pamjen time!

“Tinegjerja” e pakënaqur me dukjen e vet të jashtme mund t’jua prishë pushimin dhe t’ju shkaktojë ndjenjë të pakëndshme. Çfarë mund të bëni?

Në rast se “tinegjerja” (prej moshës 14 deri në 18 vjet) juaj vuan nga kilogramët e tepërt ose të pakët, gjinjët shumë të vegjël ose shumë të mëdhenjë, shputat e mëdha, këmbët e shtrembëra, veshët lepuroshë, pothuaj çdo ditë do t’i dëgjoni ankesat e saj se si s’mund të veshë “bodi” të ngushtë, se nuk ka çka të shtijë brenda tij, se s’mund t’i rregollojë si duhet flokët, se i shihen veshët etj. Ju në fëmijën tuaj, të cilin e keni konsideruar të pashëm, do të shikoni si në një mrekulli, që vazhdimisht shtiret, e më pastaj edhe gjithnjë e më shumë do të bëheni nervozë, sepse vullneti i saj i urryer do t’u pengojë këto ditë të pushimit. Por, në realitet çfarë mund të bëni?

1. Përgatituni më përpara për këto vetëvlerësime të saj
Në moshën në të cilën gjendet, ende është e pasigurt në pamjen e saj dhe përshtypja që le te të tjerët ka rëndësi të madhe për të. Edhe ndonjë e metë e vogël për të do të thotë fund i botës. Pra, nuk mjafton që të metat e vogla janë fare pa rëndësi, ashtu si mendoni ju. Kështu që me kohë përgatituni për të gjitha pakënaqësitë e mundshme.

2. Mos lejoni t’ju akuzojë
Se është e trashë për shkak tuajin, se është e shëmtuar, se i ngjet babait, se i ka veshët të shëmtuar, e ju e keni penguar të shkojë të operohet etj. Thjesht thuani: “Unë nuk mendoj kështu, e ty, nëse të duket mirë që vetveten ta cilësosh kësisoj, vetëm vazhdo kështu...” dhe më mos diskutoni në në këtë temë.

3. Ndihmoni asaj të bëhet më e sigurt në vete
Për shembull, nëse ka kilogramë të tepërt, bashkërisht shfrytëzojeni kohën duke e zgjedhur ushqimin që do t’i ndihmojë asaj të dobësohet, vraponi në mëngjes, ndihmoni ta zgjedhë kostumin e larjes që ia zmadhon gjinjët dhe përgjithësisht udhëzojeni të aktivizohet... Edhe pse edhe më tutje do ta brejnë dyshimet, mos ia lejoni mbylljen në ambiente të izoluara, ku pakënaqësia e saj vetëm sa do të rritet. Kur ta fillojë dietën, do të fitojë kondicion fizik dhe jo vetëm që do të duket shumë më bukur, por edhe do të rrezatojë energji pozitive dhe do të ndihet më mirë.

4. Mos i tregoni rrethit çka po ngjet me të
Njëra ndër “qëllimet e mira” të prindërve është vetia e keqe që “tinegjeren” e pasigurt t’ia ekspozojë rrethit. Mos i thuani në prani të të tjerëve: “A është e bukur, edhe pse i ka këmbët të shtrembëra, veshët lepuorshë, kofshët shumë të trasha dhe mund të jetë e lumtur edhe nëse është e ngjitur si dërrasë? Më këtë vetëm do të nxisini përçmimin dhe të skuqurit e fytyrës, e s’do të bëhet aspak e sigurt. Mbajeni këtë problem në rrethin familjar.

5. Mbani mend se edhe kjo kalon
Nëse ju çmend, kujtoni pasiguritë tuaja dhe se gjëja më e bukur është se të gjitha këto janë kalimtare. Sapo të fitojë besim të mjaftueshëm në vetvete, edhe e meta më e madhe në trupin e saj do t’i duket e parëndësishme. Deri atëherë mos i injoroni, mençurisht përballoni sulmet e vetëmëshirës dhe vendosni kufijtë. Në fund të fundit, edhe ju jeni në pushim dhe duhet të shpenzoni energji edhe për këto cikërrima


 
[an error occurred while processing this directive]
[an error occurred while processing this directive]