[an error occurred while processing this directive]
[an error occurred while processing this directive]
Argëtim
Akti i parë seksual

Që në kohët e lashta me miliona gra e humbisnin virgjërinë e tyre në natyrë, ndërsa sot, në epokën e qytetërimit e antisepsës, natyrisht që, në plan të parë, dalin sigurimi i kushteve më higjienike. Me një fjalë, kujtojmë se “kjo” duhet të ndodhë në shtëpi.

Akti i parë seksual shërben, në njëfarë mënyre, si një përvojë jo e këndshme, që në të ardhmen na lejon të futemi thellë e të zbulojmë të gjitha të fshehtat e dashurisë seksuale. Vështirë të shpresosh që femra, madje dhe kur ajo është e zhvilluar në aspektin seksual, të mund të provojë orgazmën gjatë koitusit të parë, pasi dhimbjet që zakonisht ndjen në këto momente e bllokojnë eksitimin seksual. Megjithatë, kuptohet që edhe këtu mund të ketë përjashtime. Ledhatimet që i paraprijnë aktit të parë seksual duhet të jenë të ngrohta, të lehta e të brishta, të mbushura me dashuri e që të mos synojnë zgjimin e ndjeshmërisë erotike, por të asaj seksuale.
Zgjedhja e një pozicioni sa më normal gjatë kryerjes së aktit të parë seksual luan një rol të rëndësishëm në pakësimin minimum të dhimbjeve. Në pozicionin e ashtuquajtur normal (shtrirë me shpinë me këmbët e shtrira paksa të hapura), vithet e femrës, me peshën e tyre e ulin paksa shtratin, duke bërë të mundur hapjen e pjesës së sipërme të hyrjes në vaginë pranë kanalit të jashtëqitjes së urinës, paksa më poshtë, kodrës së “bukurisë”. Këmbët e shtrira nuk e hapin në masën e duhur zonën e nënvetes duke vështirësuar në këtë mënyrë depërtimin e penisit në vaginë. Kur muskujt e nënvetes janë të lëshuara, cipa virgjërore nuk është e tendosur. Ajo varet lirshëm dhe do një kohë të gjatë të shtypet me anën e penisit duke peshuar mbi të deri në tendosje të plotë. Vetëm kështu bëhet e mundur prishja apo çarja e saj. Rëndimi mbi të apo shtypja e cipës shkakton, siç dihet, dhimbje, kurse në pozicionin e ashtuquajtur normal apo tradicional ky proces zgjatet deri në momentin e çarjes së kësaj membrane. Gjatë koitusit të parë femra instinktivisht përpiqet të mbrohet duke shtyrë nga vetja me duar partnerin, lëviz kofshët e tund gjunjët duke shtuar, në këtë mënyrë, dhimbjet. Për të evituar situatat e tilla rekomandohet të ndiqni këshillën e mëposhtme:
Para koitusit të parë femra duhet të vendosë poshtë vitheve një jastëk të përthyre, në mënyrë që legeni të jetë paksa i ngritur. Këmbët e hapura anash e të përkulura në gjunë femra duhet t’i ofrojë afër gjoksit sa më shumë që të jetë e mundur pasi në këtë pozicion pjesa e sipërme e hyrjes vaginale, që shtrihet pranë klitorit e kodrës pubike, ngrihet paksa e kështu penisi mbështetet në cipën virgjërore në pjesën e poshtme të vaginës e zonës së nënvetes. Kur këmbët e hapura shumë janë mbështetur te gjoksi, cipa e virgjërisë tendoset në kufirin maksimal te hyrja e vaginës, duke lehtësuar e shpejtuar në këtë mënyrë çarjen e saj. Edhe te reaksioni mbrojtës i muskujve të nënvetes vihet re tendosja e dy grupe muskujsh: muskujt e kofshëve, që synojnë t’i ofrojnë kofshët sa më afër njëra - tjetrës, dhe muskujt e nënvetes të vendosur midis sfinkterit të anausit e kufirit të poshtëm të hyrjes në vaginë. Muskujt e nënvetes duke qenë të fuqishëm e elastik, formojnë një lloj ledhi elastik, i cili duke u tkurrur ngushton hyrjen në vaginë. Këta muskuj, duke pasur aftësinë për t’u tkurrur fortë, e shtyjnë penisin nga poshtë, duke e ngritur atë lart e duke e afruar drejt kodrës pubike, gjë që krijon një situatë karakteristike për pozicionin shtrirë me këmbët drejet, pra, para së gjithash, lind rreziku i dëmtimit të zonës së kanalit të jashtëqitjes së urinës, si dhe të klitorit. Prandaj, në pozicionin e rekomanduar u këshillohet femrave që të dobësojnë, t’i lëshojnë në mënyrë të ndërgjegjshme muskujt e nënvetes.
Përveç kësaj, lind dhe një vështirësi tjetër. Reagimi normal i çdo njeriu ndaj ndjenjës së dhimbjes, është dëshira për t’u larguar sa më shumë prej burimit të këtyre dhimbjeve. Pikërisht kjo ndodh dhe me femrën. Gjatë koitusit të parë femra mundohet ta ndërpresë kontaktin seksual në momentin kur ndjen dhimbje duke shkaktuar lëshimin apo zhytjen e cipës virgjërore, e për pasojë duke zgjatur e shtuar ndjenjën e dhimbjes. Pavarësisht nga ky reagim, refleks, ajo me ndërgjegje gjatë shfaqjes së dhimbjes duhet ta shtyjë përpara legenin, duke shkurtuar në këtë mënyrë në sekonda kohëzgjatjen e dhimbjes gjatë procesit të çarjes së cipës virgjërore. Duke ndjekur këtë këshillë, femra mund të kapërcejë pragun e jetës seksuale pothuajse pa kurrfarë dhimbjeje. Sa i përket mashkullit ai mund të qëndrojë në pozicionin tradicional shtrirë dhe duke u mbështetur lehtësisht me gjunjë mbi krevat, duart i mbështet mbi supet e femrës dhe me to s’e lejon atë të lëvizë gjatë ndjesisë së dhimbjes. Por, për mendimin e shumë seksologëve, pozicioni më i volitshëm që duhet të zërë në këto momente është pozicioni i qëndrimit në gjunjë midis këmbëve të hapura të femrës, duke i shtrënguar me duar kofshët. Në këtë pozicion mashkulli mund të kontrollojë situatën, pa vepruar qorrazi.
Po ta shohim problemin në përgjithësi, na krijohet përshtypja se, në të gjitha ato, çka trajtuam sa më sipër, s’ka asgjë të vështirë, pra s’lind nevoja për t’u ndalur më tej. Por, të dashur lexues, s’duhet harruar se rinia do të donte ta studionte këtë problem më në thellësi, por ajo s’di se si e ku mund të gërmojë e t’i zbulojë njohuritë e të dhënat përkatëse. Analiza e hollë e vështirësive që lindin gjatë marrjes së vendimit të partnerëve për të filluar jetën e përbashkët seksuale, na bind, për faktin, se informacionet për këtë sferë, është me të vërtetë më se i domosdoshëm.
Cipa e virgjërisë, në etapën e parë të jetës bashkëshortore, mund të shërbejë si një burim potencial konfliktesh. Konsultoret angleze mbi çështjet e planifikimt të familjes, i kushtojnë një vëmendje jo të vogël problemit të përgatitjes për aktin e parë seksual. Vajzave të reja që përgatiten për të filluar jetën bashkëshortore, u propozohet që të drejtohen në konsultoret për të kryer kursin e masazhit e të tendosjes apo lëshimit të muskujve të nënvetes, me qëllim që aktin e parë seksual, si femra ashtu edhe mashkulli, ta kalojnë sa më lehtë e pa kurrfarë gjurmësh të pakëndshme.
Një problem tjetër, që mendoj se s’ka arsye pse të mos e marrim në konsideratë e të mos e trajtojmë, është edhe ai i mendimit të përhapur gjerësisht në lidhje me cipën e virgjërisë. E, pra, sipas tij, cipa virgjërore presupozon kurorën e dlirësisë e të ndershmërisë së një femre. Por duam të nënvizojmë se në ditë tona trajtimi i këtij problemi, i parë nga një këndvështrim i tillë, mendoj se është i dalë mode, ai tashmë ka humbur aktualitetin e vet e, siç pohon Kinzi, statistika amerikane që në vitet 50-ta psh., pohonte se numri i vajzave - virgjëresha që fillojnë jetën bashkëshortore po zvogëlohet me shpejtësi të madhe. Jo vetëm në SHBA, por dhe në gjithë botën ky problem shihet me maturi e me një tolerancë ku e ku më të madhe se te ne.
Këtu s’duhet harruar edhe faktin e pohimit të të drejtave të femrës, i barazisë së saj me mashkullin në të gjitha fushat e jetës, gjë që s’ka se si të mos pasqyrohet, natyrisht dhe në pikëpamjet e konceptimin e ri të shoqërisë për marrëdhëniet seksuale.

1997 Home
Home
[an error occurred while processing this directive]
[an error occurred while processing this directive]