Shkruan:
Xhemil Zeqiri
E KE LEXUAR HISTORINË SË PRAPËTHI O BEHAR MEHMETI!
Sqarim rreth reagimit të Behar Mehmetit, ndaj letrës sime të hapur, drejtuar Pandeli Majkos, lidhur me statusin e Enver Hoxhës.
Zotëri, Behar Mehmeti, fillimisht jam i kënaqur bile për një fakt që nuk ke rënë në batakun ideologjik të "demokratëve" të rinj, kur e pranoni që Komandant i Përgjithshëm i UNÇSH, ishte Enver Hoxha.
Nga ky konstatim ju i jepni edhe një leksion Ministrit të Mbrojtjes, Pandeli Majko dhe një dyzine të tjerë që veten e konsiderojnë si ajka e kombit, kupolat e demoikracisë shqiptare, por që këtë status, sipas tyre Enver Hoxhës nuk i duhet dhënë!!!
Mirëpo, fatkeqësisht ju keni rënë në pozita antishkencore, qesharake kur pretendoni që ta krahasoni marshimin e mbretit satrap, Ahmet Zogu me 6000 trupa serbe, drejt Tiranës, për ta përmbysur Qeverinë e parë demokratike në Ballkan, Qeverinë e Nolit, me marshimin e ushtrisë partizane shqiptare nën komandën e Shefqet Peçit drejt Kosovës dhe Viseve tjera shqiptare dhe më tej...
Dihet historikisht, që çetnikët e Beogradit, hynë në Tiranë si okupatorë dhe mercenarë të zogollit, ndërsa partizanët shqiptarë, me komandantin legjendar Shefqet Peçin, hynë në Kosovë si çlirimtarë të popullit të Kosovës dhe Viseve tjera shqiptare, për ta shpëtuar nga masakrimet italiane, gjermane, bullgare, serbe etj.
Ndërsa, përpjekëjen tënde për ta sulmuar udhëheqjen shqiptare, kinse kjo nuk e paska dëshiruar Ribashkimin e territoreve shqiptare, me Shqipërinë, ju njëkohësisht e demantoni vet kur na e kujtoni Konferencën e Bunjanit.
Po, kush e propozoi i pari Konferencën e Bujanit; atë e propozoi, Enveri.
Dihet historikisht përse u bë kjo Konferencë dhe çfarë vendimi morën aty komunistët shqiptarë. Aty, u muar vendimi më madhorë historik që pas luftës së dytë botërore; Kosova me Viset tjera shqiptare, do t´i bashkohen Shqipërisë.
Krahasimi i kësaj Konference me Mbledhjen e Mukjes, nuk shkon askundi!...
Për faktin që kjo e fundit, shtronte probleme të brendshme midis shqiptarëve të cilët ishin hedhur në dy pozicione antagoniste, pro dhe kundër fashizmit, bëhej përpjekëje të eliminoheshin ndasitë, të bashkoheshin forcat, por kjo s´u arrit, përse ndodhi kjo, do të flet historia!...
Është krejtësisht e pavërtetë që në rrethin e Vushtrrisë, nga partizanët shqiptarë janë vrarë 500 burra të asaj ane. Dihet historikisht që tradhtia jugosllave qe tepër e egër me shqiptarët e Kosovës dhe të Viseve të tjera, prandaj si kudo në trojet shqiptare edhe në rrethin e Vushtrrisë këta "aleatë" u sollën si barbarë, dihet nga të gjithë që jo 500 por mijëra shqiptarë, u vranë në burgun e Vushtrrisë dhe maleve të Qyqavicës e të mbarë Drenicës, nga bandat çetnike të Tito-Rankoviqit. Mosni kështu, o të mjerë, krimet e të huajve mbi ne, mos ua hedhni çlirimtarëve tanë!...
Dihet, që sipas rrëfimeve të të parëve të këtyre anëve, në dalje të Vushtrrisë, kur e merr rrugën andej nga ura e lashtë prej guri, në brigjet e lumit Sitnica, (Lumi i ngushtë), thuhej se gjendet një varr masiv me shqiptarë të pafajshëm, i cili as deri në ditët tona s´është zbuluar.
Jo, zotëri, nga këto shpifje kukuvajkash, nuk mund të njolloset figura e ndritur e Enver Hoxhës.
Ay, nuk i nisi brigadat partizane t´i robërojë e t´i vrasë shqiptarët e Kosovës me Vise, por t´i ndihmojë ata të çlirohen nga pushtuesit e të gjitha ngjyrave...
Ndërsa, kur shkruani z. Behar që:
"Proletariati, nuk e ka udhëhequr kurrë Shqipërinë, po ta përkujtoj që jo proletariati si klasë s´e ka udhëhequr Shqipërinë por e ka udhëhequr PPSH-ja, e drejtuar sipas mësimeve të diktaturës së proletariatit. Ndërsa, për lulëzimin e demokracive perëndimore, po ta përkujtoj zotëri që: shumë shtete që sot mburren me këtë sistem human kanë kaluar nëpër labirinthe dhe katarahura të tmerrshme derisa e kanë konsoliduar këtë, që e kanë arritur deri tani, bile ende nuk mund të konsiderohet që demokracia botërore qenka konsoliduar dhe paska fituar deri në fund, pra qenka e përkryer...
Po, a s´janë shumë shtete perëndimore që sot trumbetojnë me të madhe për etnogjenezën e tyre të lashtë demokratike, po a s´i njohim ne këto shtete që deri dje e disa edhe sot, kanë bërë lufta kolonialiste e fashiste. "Gjithçka që shkëlqen nuk është ar"- thotë populli ynë!
E, si mendoni ju zotëri që vendet socialiste nuk do të duhej të kishin edhe ato peripeci për ta vënë rendin e tyre shoqëror në binarë të duhur.
Kjo, i ka ngjarë edhe Shqipërisë, nën udhëheqjen e Enver Hoxhës dhe të PPSH-së.
Ndërsa, për faktet se çka është diktaturë mbi popullin e çka është demokratike, unë si luftëtar i të drejtave të njeriut po t´i jap disa shembuj:
1. Ju, mjerisht nuk e dini çka d.m. th. e drejtë e njeriut: - këtu hyn e drejta të punosh, e drejta ta thuash mendimin që është në interes të përgjithshëm kombëtar, por jo e drejta për tradhti që ti kupton për ta shitur Shqipërinë tek italianët, grekët, serbët, e tek të tjerët...
... e drejta e për t´u dhënë të tjerëve të drejtë për të shfrytzuar popullin shqiptar dhe pasurinë e tij:
- minatorët në Shqipëri, sot po vdesin për një kothere, pronari i tyre francez as nuk kujdeset për shëndetin e tyre është kjo ajo që ti e quan e drejtë e njeriut?!
- Ku po respektohen sot në Shqipëri, të drejtat e njeriut; shëndeti i tyre, tani puntorët e minjerës nuk kanë të drejta, ata e kanë të drejtën vetëm për të vdekur dhe vuajtur, për të dalur jashtë shtetit si shtetasit tjerë dhe për t´u trajtuar si qentë; sot, shumë fëmijë në Shqipëri nuk kanë të drejtë apo mundësi të shkollohen, nuk kanë veshëmbathje, ata kanë të drejtën të mbeten analfabet etj, etj :
- e drejta e mjekimit:sot,njerëzit po vdesin, sepse nuk kanë lekë për t´u mjekuar dhe për të dhënë ryshfete etj, etj...
Sot,në Shqipëri njeriut i mohohet e drejta për punë, pra i mohohet e drejta për jetë, ai atëherë ka të drejtë të vdes ose të emigroj jashtë vendit për t´i shpëtuar kësaj tragjedie, a e quan ti të drejtë njerëzore këtë?
Në kohën e Enver Hoxhës, shqiptarët e kishin mjekësinë dhe shkollimin falas, e kishin dhe sigurimin në rast fatkeqësie në punë.
A më thua zotëri, diktaturë e egër qe kjo, mbi popullin?
2. Enver Hoxha, nuk është fajtor pse që nga Koçi Xoxe, Liri Belishova e deri tek Sali Berisha, këta tradhtarë kanë qenë dhe janë vënë në shërbim të UDB- ës jugosllave dhe të agjenturave tjera, të huaja...
|
Jo, z. Behar Mehmeti,
-Enver Hoxha, nuk është fajtor pse titistët kosovarë që nga Ali Shukriu, Sinan Hasani, Rrahman Morina e deri tek Ibrahim Rugova, donin të hanin nga sahani i Titos.
- Të akuzosh Enver Hoxhën për mosbashkim është foshnjëri politike aq e madhe sa është për të ardhur keq për ata që merren me akuza të këtilla pompoze dhe boshe. Është për të ardhur keq për paditurinë e këtyre njerëzve që zënë në gojë fjalë të këtilla që nuk kanë të bëjnë aspak me situatën a atëhershme gjeopolitike.
Enver Hoxhën nuk mund ta bësh fajtor për situatën e përgjithshme gjeopolitike në botë dhe për ndarje te logjeve (sferave) të interesave mes fuqive të mëdha.
3. Është meritë e Enver Hoxhës që i ka dalë zot Shqiperisë dhe e ka shpëtuar këtë në ato momente të rrezikshme kur kjo rrezikohej nga grekët, jugosllavët, italianët etj, etj.
Ai nuk e shiti Shqiperinë, merre mundimin dhe mendo të lutem se çka do të ndodhte po të ishte Koçi Xoxe, në krye të shtetit shqiptar! Padyshim, planet titiste për ta bërë Shqiperinë Republikë të 7-të, do të ishin realizuar.
Pastaj, Enver Hoxha qëndroi si vigan edhe përballë superfuqive siç ishin rusët, kinezët etj, kur këta "aleatë" donin t´i shkelnin të drejtat e Shqipërisë.
Ay, qe i pari që këtyre besëprërve ua caktoi kufirin tek thana!
Ay, qe i pari që e dha sinjalin që Shqipëria të del nga traktati i Varshavës, në Mbledhjen e 81 Partive, në vitin e madh, 1961.
Për këtë guxim historia dhe breznitë e reja shqiptare do të dijnë ta nderojnë lart!...
Merita e Enver Hoxhës nuk mund të matet me asgjë!...
Rezultat i kujt është ngritja e vetëdijes kombëtare në Kosovë dhe në Vise tjera shqiptare në ish-Jugosllavi:
E askujt tjetër vetëm e Enver Hoxhës!
A nuk i dërgoi Enver Hoxha çyshë në vitet 50-ta, 500 mësues, dhe qindra e mijëra libra shqipe, për ta ngritur arsimin shqip në Kosovë dhe më tej në Viset shqiptare që mbetën padrejtësisht, me ndihmën e fuqive të mëdha nën këthetrat e shovenistët jugosllavë?...
Pa folur pastaj për marrëveshjet e mëvonëshme kur qindra profesorë vinin nga Tirana në Prishtinë e gjetiu, për ta përparuar me dituri, kulturë dhe edukatë, rininë tonë heroike.
Të gjithë ata patriotë që ranë në altarin e lirisë, u edukuan dhe u frymëzuan nga idealet e PPSH-së me në krye Enver Hoxhën.
Ata, ranë për një Shqipëri që Enveri i thoshte: "As e vogël as e madhe, po ka vetëm një Shqipëri, prandaj s´keni ç´ bëni ju shovenistë jugosllavë"!...
A e dini ju zotëri, Behar Mehmeti, se: nën sundimin e Titos, në Kosovë dhe në Vise tjera nën ish-Jugosllavi, deri në vitet 70-ta, më shumë dëgjohej muzikë serbe maqedone e malazeze, sesa shqiptare?
Prandaj, për të shpëtuar nga kjo katrahurë degjenerimi të rinisë sonë, nga "pevaçicat" (këngëtaret) të dërguara nga shërbime të huaja, vërshuan drejt viseve tona shqiptare, ato qindra e mijëra këngëtarë e këngëtare nga Tirana, për ta mundur kulturën e huaj në Kosovë dhe më tej, fatbardhësisht kjo fitore kulturore u arrit në vitet ´80-ta. Nga mësimet dhe udhëzimet e Enver Hoxhës, u kultivua fuqishëm e nuk u zhduk kultura shqiptare.
4. Mos mendo i nderuar, se duke fyer Enver Hoxhën dhe përkrahur ata që e rrënuan shtetin shqiptar do ta çosh kombin dhe zhvillimin përpara!
Sot, shqiptarët po konsiderohen si "mosnjerëz", "mafiozë" etj, e sigurisht edhe në atë shtet ku ti je.Kjo, nuk ka ngjarë me shqiptarët, në kohën e Enver Hoxhës.
Ti e di mirë këtë gjë.
Në kohën e Enverit shqiptarët kishin status të barabartë moral me kombet tjera.
Shqipëria, kishte rëndësi politike dhe ishte faktor politik në Ballkan.
Ti, nuk di çfarë rëndësie ka që Shqiperia të bëhet faktor politik dhe për këtë arsye nuk di ta vlerësosh figuren e Enver Hoxhës nga pikëpamja kombetare.
5. Po të mos ishte rrënuar shteti shqiptar në vitet e "tranzicionit" e në veçanti në vitin famëkeq, 1997-të, por të ishte stabil siç e la Enver Hoxha, po të vazhdonte edhe më tutje Shqipëria të qëndronte faktor politik, ndryshe do të kishte përfunduar çështja kombetare!
Prandaj, shikuar nga këto fakte të pakontestueshme, mund të konstatoj lirisht që përpjekëja ime për të fituar drejtësia, që: Enver Hoxhës t´i njihet statusi i veteranit, e cila u paraqit me letrën e hapur drejtuar Pandeli Majkos, mendoj që nuk e zbehë aspak, përkundrazi e nderon veprimtarinë time si luftëtar i të drejtave të njeriut. Enver Hoxhës, këtë të drejtë askush s´mundet t´ia mohojë, Ay e ka fituar atë me mund e sakrifica të mëdha!
Jo, z. Behar Mehmeti,
Ti dhe të tjerët duhet të dini siç e dijnë edhe të huajt, duhet të lexoni në gjuhën angleze, Jon Halliday, origjinalin ku e përshkruan historinë shumë mirë dhe qartë, sepse një soj i shqiptarëve më shumë u besojnë të huajve dhe shërbimeve të huaja , si hietoriani Zekeria Cana me kompani si falsifikatorë të regjur, se sa e sa argumenteve historike, ja si shkruan me konsiderata të larta, për Enver Hoxhën, ushtaraku angez, Jon Holliday:
Hoxha udhdëhiqej nga nacionalizmi i rreptë. Del se ai ishte njëri nga dy burrat e shtetit bashkëkohës që De Goli i admironte më shumë
Ai ishte njeri me kulturë i kënduar
Njësoj si Stalini, e kishte cilsinë e brutalitetit, porse nuk ishte brutal
Ishte aktor i përkryer.
Këtë aftësi si aktor ai e gërshetoi me një vendosmëri të palëkundur për të provuar se kishte gjithmonë të drejtë, po e kishte edhe kokëfortësinë që të vazhdonte e të vazhdonte, gjersa i lodhte kundershtarët
Ai mund të pikturohej fare mirë duke mbajtur në njerën dorë diktaturën e proletariatit dhe në tjetrën llambën e arësimit perëndimor"
Jon Halliday, në librin, "Shqiptari dinak".
Le të bëjnë zhurmë sa të duan e le ta quajnë diktator, Enverin, parllakët e ahmakët (kopukët) e Shqipërisë, se kot e kanë; sepse:
Jam i bindur që sot o nesër, Enver Hoxha do ta ketë vendin e nderit në faqet e lavdishme të historisë sonë kombëtare dhe ndërkombëtare.
Ay, këtë nderë e gëzon sot, tek njerëzit liridashës dhe përparimtarë, brenda e jashtë Shqipërisë Etnike, së cilës ia kushtoi tërë jetën e tij.
Kopenhagë, 25 janar 2005
|
Gezim
Mekuli-Demilitarizimi,
decentralizimi, dekombëtarizimi dhe "demokratizimi" i
popullit shqiptar! 