-................... ........-.............. ................... .................................................................... ....

A F O R I Z M A

• Nëse dëshiron të shohësh tigrin duke vrapuar qitja lepurin përpara.
• Fytyrëziu dhe fytyrëkuqi janë të etur për pushtet, fytyrëbardhi është i përjetshëm.
• Fytyrën e mbron nderi, po u ndot se lan as deti.
• Drini e ndriçon dhe e pastron qytetin, por nuk e pastron turpin.
• Venecia është gjithmonë në ujë, mirëpo asnjë gazetë nuk shkruan për vërshimin e saj.
• Para se të zhytesh në ujë: merr frymë; para se të vendosësh: mendo, mirëpo kurrë mos provo të fluturosh, sepse e thyen qafën.
• As njëqind llambat vezulluese nuk mund t'ia marrin lavdinë poetike qiriut.
• Të pikturosh pranverën dhe vjeshtën nuk është njësoj, sepse e para soset në verë, kurse e dyta në dimër.
• Për të futur perin në gjilpër, të gjitha gratë më parë e lagin me pështymë në gojë.
• Kjo ndodh si në Evropën e zhvilluar, ashtu edhe në Afrikën e pazhvilluar.
• Nëse ndonjë suedez e ka parë gjarpërin, atëherë është fjala për gjarpër plastik.
• Është trishtim t'ia nxjerrësh heshtën prej zemrës së hasmit. Gomarit me ia lidh kravatën në qafë, bëhet ministër.
• Cofshin partitë politike, shqiptarët u bashkofshin.
• Mjerë ai që i beson diplomacisë, lumë ai që nuk e njeh. Më mirë do të ishte që bota të përparojë me një të katërtën, kurse emancipimi i njerëzve me tre të katërtën.
• Emancipimi i popullit është më i rëndësishëm se nataliteti.
• Të gjitha javët janë njësoj, mirëpo për të uriturin janë të gjata, kurse për të ngopurin janë të shkurta.
• Ushtari romak që e vrau Arkimedin, ende jeton.